سها ... بقلم الشاعر / مستر رمضان عبدالله

 اهداء لبنتي الغالية وحبيبتي (سها) بمناسبة كتب كتابها باذن الله يوم الجمعة ٢٠٢١/١/١٥ وعقبال كل الشباب يارب ومعذرة لمن لم يتم دعوتهم نظرا للظروف التي نمر بها جميعا _______#########_________

سها

سها يابنتى وصحبتي.... سهاياحبيبتي وعزوتي

قلبي الليلادي بيرقص........ وطاير مع غنوتي

على نغم الفرح الكبير....ع الطبل وع المزامير

هايفرح صغير وكبير.... بكتابك ياأول فرحتي

الليلة دي مش هنساها... ف احلى فرحة قضيناها

كلماتها الحلوة كتبناها....بساعات الحب عشناها

بمأذونا هايتم فرحنا... والزغاريد هاتصحصحنا

بحبابيب رقصت بطرحنا...بضحكة حلوة سمعناها

وجيرانا حاضرين ويانا...ماليه قلوبهم فرحتنا

وحبايب جايه ويانا.....علشان هايزفوا عروستنا

وعريسنا مصطفى بيقول

من الليله للفرح هانول

والفرح معانا هايطول... وهايشمل بيتنا وعيلتنا

وكهارب زايده ف انوارها والكوشة جميله بازهارها

سها وفستاها الابيض.......... تتحدى قمرنا لو جارها

صحبتها كمان بيحبوها...فى ليلتها اهم بيشاركوها

من كل حته بيجوها.....يهنوا عريسها اللى اختارها

على بيت العز نوديكي..وانا شايف الفرحة بعنيكي

كل احبابك حواليكي.....والبيت هاينور اكيد بيكي

واخواتك جمبك واقفين...

ولليلة فرحك حارسين

رجاله صحيح تملا العين..قالوا ارواحنا فداء ليكي

_______#########__________

بقلمي رمضان عبدالله أحمد

عرض الرؤى

معدل وصول المنشور: ١٧٦

٣أنت، عبدالأمير فهد ابوعبدالله وHalak Hanade

٣ تعليقات

أعجبني

تعليق

مشاركة

التعليقات

عرض تعليق واحد إضافي

• Halak Hanade

  

  الف للف الف مبروك الله يسعدها يلرب

  •