سلملي عليه ... بقلم الشاعر / صبري رسلان .

 

سلملي عليه (276)

...................

حلفتك يا قلبي

تشكي فراق عينيه

وتحكي في شوق ناسيني

وسلملي عليه

قوله سهرنا ياما

ودوقنا كتير ملامه

لف الدمع داري

داب ضي إبتسامه

وإنت بعيد لا داري

أتقلب في شوك

ودمع عيون ما جفت

يتمنوا يشوفوك

حاضنه في نار غيابك

وكاسيني العذاب

وإحساسك ما جابك

ولا رد بجواب

ما سمعتش ٱنيني

ولا ٱه ونحيبي

روحي في سكه تايهه

فينك يا حبيبي

هفضل عمري كله

أحلم همس قربك

ياما شكيت ليالي

وأتحسر في بالي

ليه فاتني لوحدي

أسيره لأناني

لا النار والعذاب

تخفف ليل غيابه

مستنيه همسه ونبض حنان أحسه ..

يروي في أرض خوفي

ليل من بعده داب

لساني يا قلبي

مشتاقه لعينيه

ويا ريتك تقوله

وتسلم عليه

بقلم .. صبري رسلان

عرض الرؤى

معدل وصول المنشور: ١٢

٣أنت، فيصل خيرالدين ووردة الأمل

٢ تعليقات

أعجبني

تعليق

مشاركة

التعليقات

• وردة الأمل

  

  جميل جدا يسلم قلم حضرتك دام التميز والإبداع

  تشغيل صورة GIF

  GIPHY