الدنيا ميزان .. بقلم الشاعرة / شيماء اللبلاوي .

الدنياميزان
بقلم / شيماء الببلاوى
الدنيا ميزان كفة معاك وكفة عليك
كفة ماشيه مع المظلوم وكفة بتيجى عليه ودور
الدنيا ميزان كفة جايه على الغلبان وكفة معاها راحة البال
ياميزان كفة بتعليك وكفه تبيع وتشترى فيك
وعين بالجنة وعين بالنار وديما قاعد تحسبها
ووقت الحق تاية ديما بتفصيلها
قالولنا كلة بحسابه وانا واقف على بابه
هتفضل ديما تحسبها ياما تخدها على عيبها
ياما ترضى بالمقسوم
الدنيا ميزان فى ناس بمليون وش وناس كتير بتغش
وفيها اللى عايش كومبارس وفيها اللى بيهمس همس
تلاقى ناس جنب الحيط وناس عايشه بالتخطيط
 وناس وشها برئ غلبان وناس تانيه سمهم تعبان