((شمس النهار ))
ساعة صبحية
طلعت من سطح المية
انارت الدنيا بدفا وحنية
ملئت الدنيا حب وأمل
والكل خرج للعمل
يشقى ويكافح بجلد
هم دول ولاد البلد
شمس النهار
بتيجي ساعة المغربية
تودعنا . . . .
وتستخبى خلف المية
يا جمالك وانت مستحية
زي العروسة جدايلها ذهبية
ياجمالك وأنت بتستحمي في المية
شمس النهار
حكاية كل يوم بتتكرر
عمرها مجت يوم وتأخرت
ممكن في يوم تستحي وتتوارى
عن العيون لكن بتنشر دفاها
وحنا عنها ما نستغنى
وكل يوم في الميعاد ننتظرها
شمس النهار
(( فكري حسن ))
ليست هناك تعليقات:
إرسال تعليق