قلب الأب .. بقلم الشاعر / أحمد الحمله.

قلب الأب
،،،،،،،،،،،
٪‏ ٪‏ خلِّى بالك م الطريق
احنا يابنتى غلابة
دايماً امشى جنب حيط
واحذرى غدر الديابة

لو ضحك لك مرة شاب
مش دا يعنى إنه حَب
وانُّه واقع وانه طب
وانُّه بكرة جاى يجيب لك
دِبْلةً وبمحبس دهب

خلى بالك م الديابة
إحنا يا بنتى غلابة

٪‏ ٪‏ لأ يا بابا لأ بلاش
دنيا لِسٌَها بخير
دعوة أمى مستجابة
ليه نخلى الخوف عصابة ؟!

إنت ياما قلت ليَّا
ربنا بْيحفظ عباده

طمٌِن القلب الحِنيِّن
آبو لاسة وْ جلَْالية
قًل له بنتك مش هفيَّة
جنب حيطة مش حتمشى

مش ح تقعد تبكى حالها
قول له بنتك واخدة بالها
راصفة سكة وماشية فيها
وبحنانك بتراعيها

ثم إنك إنت ناسى
إنى نبتك وإنى بنتك
وانى وردة من جنينتك
شاربة منك عطرها

لأ يا بابا لأ بلاش
دنيا لِسَّاها بخير
دعوة امى مستجابة
ليه نخلى الخوف عصابة؟!

!!
!
!!
~~~~>>><<<<
أحمد الحمله