.. دم الشهيد فى بطاقتى. / الشاعر ابراهيم القاضي

ةةة... دم الشهيد فى بطاقتى...ةةة
ةةةة ةةةة
كل عيد انت حرقته..
كل نور انت طفيته !
طهيت الكدب وصدقته
عملته غنوه..وغنيته
وزيت البحر على مامته
وجدار الصبر هديته..
وصمت الدين ..ولعنته !
خليته يميل ..ولويته..
فرشت الليل على ضهرى
سرق حلمى اللى بديته
سرق منى هنا ..ضلى !
سرق ابنى مع ..قوته
ونور الشمس من جفنى
حتى الفجر ..وزيته
يجافى السكه ف التوهه
ياخد كل ما جنيته..
يغربنى مع ..الصحبه !
ويطبعنى على بيته
صورة قطه ..بتعافر ،!
حد شكلى ونسيته ..
ةةةةة
خدتنى الغربه ..من طينى
توطينى وانا العالى..
أخدت العز من ..دينى ..!
يودينى وطن عالى..
وطن يعرف يسمينى ..
يواسينى على ..حالى
حليب الود يسقينى ..
يطمننى على عيالى !
أمشى فيه على راحتى

صورة بنتى فوق شالى
تقرانى حر ..من قورتى
كرامتى ضى ف عقالى..
أبدر غيطى سنا حبى..
يراضينى بهنا ..بالى
تدوق الرحى حلا قمحى..
يدور صبحى ويحلالى ..
أكتبك غنوه..ف كراسى
أشوف ناسى واصلالى..
ودم الشهدا ف بطاقتى
وانا طاقتى ..وفيالى !
أمد البر من ..حبى
يكفى الكل..طوالى
وتعيشى يا امه ماشئتى
ست الدنيا ف العالى...
ةةةةةةةة
الشاعر ابراهيم القاضي