أسرار ... بقلم الشاعر / أحمد طلبــه .

أسرار
=======
لا كل حاجه مخبينها
في قلبنا تتقال
ولا كل حاجه نقدر نقولها
مهما كان الحال

أسرار كتير موجوده فينا
عمرها ماتبان
واللي يبان ضحكه بعينينا
تداري حمل جبال

🥀🥀🥀🥀🥀

يا وجع القلب علي عمري
اللي بيروح مني مش لاقياه
وانا مغلوبة علي أمري
وحتي الفرح مش حساه

لا حب العمر صان خيري
دا شاف أحلامه مع غيري
دي حاجه واجعه تفكيري
عشان مابقتش فارقه معاه

دموعي في عيني مطرحها
وايدي بس تمسحها
أنا لو حد يجرحها
لخاطر الله أنا مسمحاه

يا وجع القلب علي عمري
اللي بيروح مني مش لاقياه
وانا مغلوبة علي أمري
وحتي الفرح مش حساه
==================
كتير أسراري بداريها
ولا حد عارف بيها
ومين بالخلق بإيديها
تزيح همي اللي أنا شايلاه

ما أنا اللي الحزن بيعشها
دا رغم الضحكه بوشوشها
تداري خوفها آه بجفوفها
ودا نصيبي وانا قبلاه

ومش عايزه بإني ابوح
لحد من اللي أنا كتماه
مجرد حاله بكره تروح
وهتقابل دي وجه الله

يا وجع القلب علي عمري
اللي بيروح مني مش لاقياه
وانا مغلوبة علي أمري
وحتي الفرح مش حساه
=================
احمد طلبه

زمان ... بقلم الشاعر / فهمي علي ...

زمان كان كل شئ طيب
و ناس للناس بدون تكليف
و حمل تقيل فناس بتشيل
فيظهر انه حمل خفيف
ايدين تتمد بالسندة
تحس انك وقعت لفوق
بشر حواليك ف ١٠٠ أزمة
و وقت الغرقة مليون طوق
بقت دنيا بتقسي كتير
و كل الخلق وخداهم
بيوت مقفولة ع الاوجاع
و أحوالهم معنداهم
اللهي ياللي فوق الكون
و مفاتيح الحياة بايديك
و أمرك هو كاف مع نون
و رزق الخلق كله عليك
ترجع روحنا زي زمان
و بكفاية علينا هموم
و صفي نفوسنا و اهدينا
صفا منك يعيش و يدوم
#فهمي_علي

يا قلبي .. كلماتي ..بقلم الشاعر / عادل داود عسكر .

ياقلبى ........كلماتى.....عادل داودعسكر..............
ياقلبى.لا حد حاسس بيك........ولا حد بيناديك
وحدتك..وعذابك....وألمك..ومفيش حد شاريك
فيه..إللى باع واللى فارق بالوداع.وحزنك ماليك
لافيه عليك إيد تتطبطب.وجراحك ساكنه فيك
ياقلبى...
ياقلبى..دمعك..كتير..سال وهمك..مُدن....وجبال
كل دقه.بتقول فيها..الأه..وللأسى والهموم شيال
تحلم..وتحلم..وتحلم.ببكره والحال هو....الحال
جواك أهات وذكريات وفرح مات..والف....سؤال
ياقلبى...
ياقلبى..دمعك..بقى.بحور....حاول..........بقى..تنسى
ديما... حنون..............رقيق برئ.مابتعرف يوم تأسى
قول.يارب.تلقى.احزانك وهمومك على الامان ترسى
ربك رب كريم..عليم ورحيم.ماعليه..فرحك..يعصى
ياقلبى.....
ليه....حزين...ومتحير...بكره......الدنيا تروق وتتغير
الارض..دواره.لا الكبيربيفضل كبير ولاالصغير صغير
قابل صباحك.بهنا وسرور.بعد ليل بيجى النور ويدير
والصبر .دوا.للجراح والهوا مين يصدق الحديد بيطير
روق وروق.واعرف وصدق مش كل شئ له.....تفسير
وفيه يوم للى ظلم ربك.علم..بالقلم.ربك رحيم وكبير
............كلماتى.....عادل داودعسكر...

ع الخدود وردايا .. بقلم الشاعر / أسامه جديانه

ع الخد وردايا
العقول بيها سارحه
بخيال ماله نهايا
وسهام الرموش جارحه
وهمسك هو دوايا
الهمسه فيها واضحه
فيها سعدي وهنايا
وعيون صافيه مسامحه
بتنادي ياهوايا
وألبي بدون مصافحه
النظره منك كفايا
هكتب لك ألف صفحه
ف القلب بين الحنايا
ورساله م القلب شارحه
مع عصفور الكناريا
ياللى كلامك فرحه
في ليلي بتكون غنايا
( أسامه جديانه)

شرقية .. بقلم الشاعر / محمد الساده

{{ شرقية}}

امرأة شرقية
تقول الحق بكل عفوية
بين أضلعها القضية
ومهما طال الزمان لها هوية
هي في الشدائد كبراكين ثورية
في يدها تحمل زنبقة
وفي الأخرى بندقية
أنها امرأة تغفو على أصوات الرصاص
وتصحوا على أوجاع القضية
فإنها ما خلقت إلا أبية
ولدت من صخور حجرية
فإنها امرأة شرقية
فلسطينية سورية عراقية يمنية
مصرية ليبية تونسية مغربية
هي عربية هويتها شرقية

{{ محمد الساده}}

يلي الغدر أساسا طبعك ...بقلم الشاعر / محمد عامر.

يلي الغدر أساسا طبعك
كنت كتير دايمنا برجعلك
كنت أفضفض كنت أحكيلك
كنت صديقي و كنت أشكيلك

لكن الغدر أساسا طبعك

كنت أسمعلك و كنت بطوعك
ولم عرفت .......... كل أسراري
ولم قدرت ......... تخون وتجرح
متأخرتش ولا لحظه .. في جرحى
وسكنتك سكنت ................. قلبي
سكنة قلبي ............. من ورا ظهرى

أصل الغدر أساسا طبعك

عمرى مكنت أتوقع إنك
تغدر بيه ....... أو تطعني
حبي ليك كان .. أكبر وأكبر
عمرى مكنت .... عليك بتأخر
وإديتك ثقتي .... وحبي ومالي

يلي الغدر أساسا طبعك
2019/4/18 ...
بقلم/الشاعر محمد عامر

راعية الياسمين .. بقلم الشاعرة / هدي إبراهيم أمون ..

راعية الياسمين

سأهش بخصلة من شعري على قطيع أزهاري
كي تضوع في الأراضي اليباب...
ستورق الأشجار الجافة وتزهر عبر دروبي
فأنا أتدثر بأرض الياسمين
وأجوب فيافي الفكر مالئة ساحاتها
البيضاء بعطري المنهمر اشتياقا لنضارة الحياة..
بعد أن عبرتني الريح واحتطبت أشجاري...
سأعيد غرس الأمنيات لتشدو من جديد
منحدرات الروابي...
سأرسل سربا من الياسمين
خلف أحصنة السحب..
لأستعيد عهد البركات والثمر...
وفوق القمم الشماء تهمي شلالات الضياء..
تنعش أطيار الحب الخائفة
وتنفض عنها الهلع بقطرات عشق عطرة...
مسافرة من الحنين إلى الحب..
على كفي الأيمن، حقول القمح والأغنيات...
وعلى كفي الأيسر، تعرش الأعناب مكللة بالياسمين..
نزعت الخوف من قلبي حين تلوت على دربي رسالات السماء..
نمت الأزهار والأحلام وشد خطاي العنفوان..
هل لتلك المعاناة انتهاء؟
هل سيبسم زهر الياسمين؟

بقلم هدى إبراهيم أمون