حًدٍيَثً آلَجّمًعٌهّآلَيَ کْلَ زٍوٌجّهّ وٌأخِتٌ
آنِصّيَتٌيَ جّيَدٍآ وٌآقُرأيَ جّيَدٍ -!!!!!!
وأنتِ بتشتكي من أفعال زوجك لصاحبتك صاحبتك هتقولك والله كأنك بتتكلمي عن زوجي أنا زوجي كدة طيب انا هحكيلك والله هتحسي ان حظنا في الرجال واحد، وتبدي تسردلك مواقف مشابهة للمواقف اللي مزعلاكِ من زوجك وأنت تقولي وهي تقول إلى أن تنهوا الاتصال أو إلى أن تفارقوا بعض 
خلاص الخط اتقفل أو المقابلة انتهت يبتدي مخك يشتغل بقى في اللي سمعتيه، لو نفسك طيبة وأنتِ من النوع اللي مش بيأول كل حاجة على محمل سيء هتفكري في اللي صاحبتك حكتهولك عن أفعال زوجها وتربطي بين أفعاله وبين أفعال زوجك وصاحبتك هتصعب عليك (وتبقي شيلتي همها على همك)
ولو أنتِ نفسك -والعياذ بالله- خبيثة وأنتِ من النوع اللي بيحلل كل الكلام بشكل سلبي وبيشكك في كل حاجة هتبتدي تكلمي نفسك وتقولي شوفي بنت الذين خايفة على نفسها من الحسد دي ولا ايه دي عمالة تزايد على كلامي عن زوجي وكأننا في سبق (وبكدة مش هتبقي شلتي هم على همك لا دة أنت هتبقي شيلتي ذنوب على ذنوبك يا غالية) 
عايزأقولك حاجة مهمة 
قبل ما تشتكي من أفعال زوجك اللي هتلاقي لها أشباه وتطابق مع كل ست تقريبًا هتحكي لها عنها، لازم تعرفي الأول هل أفعال زوجك من طبائع كل الرجال ولا دي من طبيعته الخاصة واعرفي يا غالية إن معظم النون يشتكون من أفعال لها علاقة بطبائع كل الرجال ومن هنا فالشكوى بتقلب فضفضة وكل واحدة بتقول اللي جواها والقاعدة بتنتهي وأنتِ يا الهم همين يا الذنب عشرة!
طيب والحل لازم تعرفي أن الرجال لهم طبائع عامة وخاصة، ولازم تتعرفي على الاثنين وتتعاملي على أساسهم قبل ما تدخلي منطقة المزايدة مين متحملة أكتر من التانية 
ولازم تختاري تقولي ايه وازاي ولمين، ولازم تعرفي إن تكوين الرجل الجسدي واحد عند كل الرجال ودة اللي بينتج عنه الطباع، وإن تفكير الرجل النفسي والعاطفي مختلف مستقل عن باقي الرجال ودة اللي بينتج عنه السلوك، قد تطابق أفعال الرجال فيما يخص تكوينهم الجسدي فمهم جدا تتعرفي على طبيعة الرجل بشكل عام علشان تقدري تفصلي بين امتى يكون فعله رجولي طبيعي وعادي ومتوقع وسهل نتفاديه لو فهمنا ايه اللي بيريحه وعملناه، وبين فعله السلوكي اللي بينبع من نفسية زوجك وعاطفته واللي بتشوفيه أنتِ غير طبيعي وغير عادي وغير متوقع والحقيقة إنه ليه أسباب ولو اتغير السبب هيتغير الفعل 
بالتأكيد كل الرجال الذين قرأوا هذا المنشور سعداء جدًا، اسمحوا لي هذا المثال قابل لتبديل الأدوار يعني تقدر تأنثه كدة مع نفسك وتعرف اللي عليك وتعمله اتفقنا اتفقنا
يعني تقدر تأنثه كدة مع نفسك وتعرف اللي عليك وتعمله اتفقنا اتفقنا الحياة الزوجية ليست بسيطة كما يظن البعض
إنك تدخل حياة حد أو تدخّل حد حياتك معناه إنك هتتنازل طوعًا عن جزء كبير من حريتك وهتقسم رغباتك وإرادتك ووجودك مع شخص هيعيش فيك لأنه منك أو هيعيش بيك لأنه بعضك كل واحد يعرف دوره ويحبه ويصبر على كل فصل ويستمتع به وهو بيقين محب أنّ الذي جمع قادر أن يوفق، فقط انوِيا خير 
کْلَمًتٌيَ فُيَ آلَمًؤتٌمًر
آلَعٌآلَمًيَ لَحًقُوٌقُ آلَمًرأهّ
آلَثًآمًنِ وٌآلَعٌشُريَنِ مًنِ
مًآرسِ /2020
ليست هناك تعليقات:
إرسال تعليق