بلبل الشوق .. بقلم الشاعر / رفعت ابو كريم .

بقلمى / رفعت أبوكريّم (شاعر الصعيد)
بعنوان {بلبل الشوق} (عاميّة)
************************ 
بلبل الشوق 
غرّد على بيتى ونادانـــــــــى
وقال ليه
حبيبك يعشق واحد تانـــــى ؟
أنا قلت مش معقول
يغدر حبيبى وينسانى
عشقته سنين وحبّيته
وهو عيونه عشقانى
معقول حبيبى يخون !!
ويزوّد كيل حرمانـــى
خلّانى فى حبه غرقت
وهجرت خِلّانـــــــى
قفلت قلبى على حبه
وعشت وحدانــــــــى
ليه يا بلبل تخلّينى
بعد الطيبة شرّانـــــــــى
البلبل سمع الكلام
اللى انا قلته بلسانـــــــى
وطار يعاتب حبيبى
ويترجّاه علشانــــــــــى
وقالّه حبيبك عايش
بحب كبير يا أنانــــــــى
هو العاشق يسيب روحه
ويبدّله بتانــــــــــى!!!
حبيبه سمع الكلام
وصرخ بالصوت حيّانـــى
الغدر مش طبعى
دا الشيطان ملّانـــــــــــــى
حروف الغدر أكتبها.. كيف ؟
ورّانـــــــــــــــــــى
وعهد علىّ يا بلبل
ما أخلّى جوّه وجدانــــــى
غير اللّى عشقته فى الاول
وقلّه على لسانى
تعالى ضمنى فى حضنك
وعوّض كل حرمانى
وتبقى تاج فوق راسى
وفخر كل أزمانـــــــى
******************
بقلم / رفعت أبوكريـّــم(شاعر الصعيد)
جميع الحقوق محفوظة