ماتغركش المظاهر
_______________________
ايوه .... المظاهرخداعة ، وابصم با لعشرة
، ولا تعرف معدن بنى ادم غير بعد العشرة
اوعى ..يغرك جمال .. وكلام معسول يتقا ل
..عندك اجمل فراشة..طلعت او نزلت .. حشرة
وتحت الطينة ....فيه نبتة لخضار و زهور
والدهب فى الاصل ..كان ..ويا التراب مغمور
..قبل ماتقول : دا بديع ...، أ و دا وضيع
فكر وابحث .... ، جرب وافحص .... شور
أبو بدلة فخمة ، وكرافتة ، ونضارة ريبان
تسعى لصداقته ...ينصب عليك ...يطلع تعبان
واهو مظهره قيمة وسيما ،وابو ثياب رثة قديمة
وبتحلقله..لو تتزنقله..يقف معاك وقفة جدعان
..وابو مظهر شيك ممكن يكون راجل أصيل
اللى اقصده : ان الشياكة ،والمظاهر مش دليل
انا قصدى انك تتأنى.،فى الحكم ع الشىء تستنى
بعد المداولة ، وكذا جولة..حكمك مايحتاجش لتعديل
( زجل للدكتور عبدالله منصور )
ليست هناك تعليقات:
إرسال تعليق