Ashraf Eldghedy ( وحشاني ياأمي )
فارقتي الديار يا أغلي الأحباب
والدنيا مليانه من غيرك عذاب
ياحسره علي الحنان والعطف اللي راح
راح وخد معاه الضحكه والأفراح
والوصل والوداد وكسر الفؤاد
وحشاني..ياامي وغيابك عني طال
ومن يوم فراقك حالي صبح حال
والدنيا من بعدك عذابها مرار
مين غيرك ياامي ح يحن عليا
ويرحمني من قسوة الناس والدنيا
ودعتي يا أمي الدنيا من بدري
وسيبتيني اكمل أيامي ليه وحدي
اعاني و.اتعذب وادور ماالاقي
إيد تطبطب وتريح ليا بالي
من يوم فراقك. ودعت افراحي
وافتكر حنانك وحلاوة كلامك
وحنية قلبك..تنسيني جراحي
ودموعي تسيل ويزيد نواحي
مشتاقلك ياامي وفراقك..معذبني
ومين يرحمني وعلي يُتمي يصبرني
عنيا مشتاقه تشوف ابتسامتك
وحضني مشتاق لحنانك وعطفك
ياريت ياامي كنتي بقربي كل ايامي
بقلم الشاعر / أشرف الدغيدي .
ليست هناك تعليقات:
إرسال تعليق