هي الأم ... بقلم الشاعر / الاصيل ــ أحمد ــ جغبير

هي الأم
:
إن سألتم
هي المداد
والمحابر
هي الرايات
والروايات
واللؤلؤ المنثور
تطرز بها
فكيف للأقلام
أن ترنوا بجمالها
والورد إن تحدث
تعطر من شهد فاهها
فالتنظر ياحرف
كم توسدت ذراعها
وكم غيبتك الأقدار
عن شعب مرجانها
فمهما تواليتِ أيتها البحور
لن تنالين قطافها
:
#الأصيل_احمد_جغبير
:

أشتاقك أمي .. بقلم الشاعر / محمد الخضري .

Mohamed Elkhodary خاطرة بقلمي/محمد الخضري
........
أشتاقك أمي ..
أحن لقلبك الدافىء
يقيني صقيع الزمان
أحن لصدرك يضمني
يشعرني بالأمان
أحن لأنفاسك العطرة
العابقة بالنقاء
لرائحة عرقك الطيبة
المجبولة بالشقاء
الحزن ينخر حواسي
منذ بدأت تتكاثر
داخلي بغيابك .....
المآسي ......
آه يا أمي...
من يوم غيابك. ..
ما جفت دمعتي. .
يا اللي كانت .....
بسمتك. ..
سر فرحتي. ..
آه يا وجعي.
.ليه سبتيني. ...
أعاني في وحدتي. ..
من غيرك يا غالية. ..
عشت غربتي. ..
من وأنا صغير. ..
وقلبي أد حبة القمح. ..
كان قلبي فرس.....
جامح. ..
أتربى على حبك. ..
وعرف أزاى يسامح. ..
من وأنا صغير......
يا غالية. ..
عرفتك ورسمت
صورتك...
حتى من قبل
ما أعرف. ..
ملامح لشكلي. .
رسمتك. .
وأنا الشاعر. .
اللى حبك. ..
وداب فيك. ..
واللى كان لما. ..
الشتا يقف على...
بابك. ..
كان شعري يدفيك. ..
حوالين رقبتي. ..
دين ميلادي. .
كداب حقيقي. ..
لو قلت أقدر أ.....
وافيك. ..
عارفة يا غالية. ،
أنا أتعلمت على.....ظ
أيديك. ...
أحلم وأحب. ..
الكون دا كله. ..
ولو فاض من قلبي. ...
العشق. ..
أمسك بإيدي القلم. .
وأرسمك قمرا يا. .
ونجمة في وسط...
السما. ..
وشمس من عنيك. ..
يخرج كل الدفا. ..
كل دا لاني فيك. ..
جوايا أنت. ...
.دم جنب الدم. ..
وأنا أصلي يا غالية. ..
إنسان أموت. . .
لو أنقسم. ..
أموت لو أتحرم....
منك. ..
لغاية النهاردة.....
يا غالية. ..
تفيض وسائدي....
بصدى أنفاسك. .
.تلامس أحلامي....
..أطراف حضورك. ..
الهارب من الغياب. ...
يوقظ طيفك. .
وحنيني إليك. ..
أستيقظ من نومي
يا غالية. ..
وأدعو جميع حواسي. ..
للأحتفاء بلقاءك. ..
هكذا الأيام تأخذنا. ..
إلى حيث لا نريد. ..
وأظل أنا يا غالية. ..
في أنتظار لقاءك. ..
...................محمد الخضري

وحشاني يا أمي ... بقلم الشاعر / أشرف الدغيدي.

Ashraf Eldghedy ( وحشاني ياأمي )
فارقتي الديار يا أغلي الأحباب
والدنيا مليانه من غيرك عذاب
ياحسره علي الحنان والعطف اللي راح
راح وخد معاه الضحكه والأفراح
والوصل والوداد وكسر الفؤاد
وحشاني..ياامي وغيابك عني طال
ومن يوم فراقك حالي صبح حال
والدنيا من بعدك عذابها مرار
مين غيرك ياامي ح يحن عليا
ويرحمني من قسوة الناس والدنيا
ودعتي يا أمي الدنيا من بدري
وسيبتيني اكمل أيامي ليه وحدي
اعاني و.اتعذب وادور ماالاقي
إيد تطبطب وتريح ليا بالي
من يوم فراقك. ودعت افراحي
وافتكر حنانك وحلاوة كلامك
وحنية قلبك..تنسيني جراحي
ودموعي تسيل ويزيد نواحي
مشتاقلك ياامي وفراقك..معذبني
ومين يرحمني وعلي يُتمي يصبرني
عنيا مشتاقه تشوف ابتسامتك
وحضني مشتاق لحنانك وعطفك
ياريت ياامي كنتي بقربي كل ايامي
بقلم الشاعر / أشرف الدغيدي .

امي يا من سكنت بين ثنايا الروح ..بقلم الشاعر / سعيد اوسي .

سعيد اوسي📷 امي يا من سكنت
بين ثنايا الروح
الالف ....من عبق الحروف
والميم ....مودة و حنان و بلسم للجروح
والياء..... نسائم الربيع
و اجمل عبير من وجده يفوح
حنانك
آفاق اسدل ظلاله
بلا ضفاف....
من اجلك اغمرنا الرحمن
بنسائم غفرانه
و اجلنا من سخطه و عقابه
يا شمعة تحترق
لتنور ظلامي
سهرت الليالي و زرفت الدموع
تواسي في حجرتي المغلقة
احزاني
يا شمسا أنارت الفضاء
و منحت الكون دفئ الصفاء
يا أجمل الفصول
و زنابق و رياحين منثورة في
الحقول
يا طهر الخلود
منذ سالف العصر والاوان
من رب الودود
يا اغلى من الروح
واغلى الغوالي
في الوجود
يا امي

سعيد اوسي

بحبك يا ستي .. بقلم الشاعرة / فيفي الجندي .

بحبك ياستي
ياجنة في أرضى
ياقلبي اللي شافك
وحاسس حنانك
بحبك ياامي
ابوس ترابك
واتحني بجمالك
اعيش تحت رجلك
ياكل حبايبي
بحب نفسي فيكي
شمسي وقمري وضلي
بحب اللي حبك
وعيوني تغني في عيدك ياامي
اميرة في ثيابك
ازيد في ارتجالي
اكتبلك حروفي تزيد من جمالك
بشوفك ملاك ياعمري اللي فات
اتمني تعيشي يااجمل هدية
.......
فيفي الجندي

اعترفلك ... بقلم الشاعر / سمير محمود .

اعترفلك ... بقلم الشاعر / سمير محمود .
بعترفلك إني آسف وإني نادم وإني عمري ماكنت فاهم لما كنتي بتنصحيني كنت فاكرك توجعيني واما كنتي بتراعيني كنت ناكر كنت ظالم كنت بهرب من ملامك م الوعيد اللي ف كلامك كنتي غرقانة ف آلامك لجل مفرح وابقى سالم
بعترفلك برضو يااما إن إبنك كان غبي
لما كنت تملي بهرب لما كنتي تقربي
واما اخاصمك بالليالي لو منولتش مطلبي
وقت منتي كنتي عايشة لقلبي خادم
وأما كنتي تعنفيني لو طغيت او يوم ظلمت
وتقوليلي هتعمل إيه لوفجأة ترحل ولا مت
دا العمر لحظة وكل حاجة وليها وقت
كنت يااما بخذلك ومكانش هامم
بعترفلك إن قلبي كان مسافركان ف غيبة
كان بيقسى كتير عليكي وانتي كنتيلو(له) الحبيبة
والدموع اللي ف عينيكي كات دموع حب وطيبةكنت قاسي الطبع جدا كنت صارم
وانتي يااما قسوتك كانت براح
قسوةفيها محبتك فيها طعم الارتياح
ياما قيدتي شمعتك وياماشيلتي من جراح
ياما نزلت دمعتك بس كنت ف جهلي نايم
دلوقتي بس عرفت قيمتك لما تيجي ياأمي سيرتك بعترف إني خسرتك وإني حد مكانش فاهم
#سميرمحمود
#ربنا_يرحمك

قصيدة ..أمي .. بقلم الشاعرة / أميرة القلووب بكاء المطر .

اميرة القلووب بكاء المطر قصيدة امى
______________
غريبه
أنا في هذا الزمان
كل شيء يؤلمني
فلقد استشهد
في الصمت
الكلام
أين أنتي يا أمي
أرجعيني إلى جوفك
جنينا فلقد سرقوا
من ابنتك الاحلام
وقتلوا البسمة
واصبحت هرما
أعيش كالنجم
في الظلام
كل ماحولي يا أمي
رياء وحطام
تعبت وشاخت روحي
من نزف جروحي
عودي وأنجبيني
قبل مأتي عام
أجهضيني
من بقايا هذا الزمان
وأنجبيني من جديد
في مكان
لايشبه هذا المكان
شرط أن ترضعيني
الطيبة والحب
فالناس هنا يا أمي
طيبون
إلى درجة يعرفون
كيف يقتلون الحب
والاحلام
أو أتركيني
وحدي
المتهم والملام ...
اميرة القلوووب

أمي .. بقلم .. الشاعرة / سحر الصيدلي .

سحر الصيدلي خاصة بالمسابقة ....قصيدة عامية
أمي
هاتوا كتاب الشعر بحاله
اكتب فيه أملاه بجماله
أحلى سطور
وحروف من نور
أوصف فيه وهنياله
اللي الأم تعيش وياه
ينسى هموم الدنيا بحالها
وينسى الآه
راح يتهنى بنور الجنة
ان كان بار وطاع مولاه
وان سألوني الغالية مين
ست الكل حبيبة القلب
نبض الروح
أغلى العاشقين
وف يوم عيدها
حافظ مواعيدها
جاي بادعيلها
ربي احفظها
قولوا آمين
قولوا آمين
سحر الصيدلي.

لو عادت أمى .. بقلم الشاعر / أحمد طرشان .

أحمد طرشان لو عادت أمى
لو عادت أمى وجرت بيديها فوق جبين زمانــــــــــــــى
لتحول حزنى شمساً/ والتأمت كل جراح مكانـــــــــــــى
من يبعد عنى ليلى /؟
هاهو يترصد أجفانـــــــــــــــــــــــــــــــــــــــــــــــــــى
ويحرش ألمى يا أمى /
أن يسرى فى جسدى عفريتاً من كالشيـــــــــــــــــــطان
يكتم أنفاسى / يلبس أقنعة مرعبة /
ويحطم ألعابى/ ويصيب سريرى بالغثيــــــــــــــــــــان
ويشيع الفوضى فى نفسى/ ويسرب فى زمنى أحزانـى
كم أخشى أن ينفرد بعمرى/
فيشل عظامى ويسوس أسنانـــــــــــــــــــــــــــــــــــى
أه من وحشة روحى!!!
من شيخوخة قلبى بعد رحيل حنانــــــــــــــــــــــــــــى
يا كل ربيع الدنيا عد لى /واعمل كفيك ببستانـــــــــــى
فتعالى عودى ياأمى / وبحق رحيــــــــــــــــــــم منان
لو عدت أعود وليداً طفلاً /تأخذه الدنيا بالأحضـــــــان
فأنا فى حضنك أغدو ملكاً /
أمتلك الدنيا / ويضم العالم ســــــــــــــــــــــــــــلطانى
وبدون حنانك ياأمى أتقلب بؤساً /
ودموعاً وهواناً/ هل يرضيك هوانــــــــــــــــــــــــــى
ها قد مات مراحى وشبابى /
أصبحت وحيداً وشريداً/
أنزف حزناً ودمى يبكى فى شريانــــــــــــــــــــــــــى
وانقطع الحبل السرى حياتى/
حتى جف كيانـــــــــــــــــــــــــــــــــــــــــــــــــــــــى
انى أهوى أزوى أين يديك ؟وكانت تتلقانـــــــــــــــــى
وتعلمنى أكلى شربى
اسمى وتخطط عنوانـــــــــــــــــــــــــــــــــــــــــــــى
عودى ياأمى / أو ضمينى نحوك وخذينى /
فحياتى بعدك موت /
ورحيلى خلفك بعث أو ميلاد ثـــــــــــــــــــــــــــــان

بقلم الشاعر / أحمد طرشان.

( جمالك حسن ربانى..ّ....إلى إمى ) شعر/..د.مختار أحمد هلال

د.مختار احمد هلال ( جمالك حسن ربانى..ّ....إلى إمى ) شعر/..د.مختار أحمد هلال

حبيبة قلبى وعنيه. يا أغلى عندى م الدنيا

يا ملكانى وحسانى. يا ساكنه جوه وجدانى

جمالك حسن ربانى. ورحمه وطهر إنسانى

أنا من بعد أحضانك. ماليش غيرك حبيب تانى

أدارى عنها أحزانى. بيكشف قلبها سرى

ألاقيها بتقرانى. . ومن جوايا متعرى

ألاقيها ف أنفاسى. وعايشه كل إحساسى.

أحس بنفسى فى ثانيه رجعت لحبلها السرى

أحس بنبضها فيه. . ومش فاكر سنين عمرى

تهب النسمه من بحرك على شطى منديه

يدفينى شعاع شمسك. يصحى الفرح ف عنيه

ومن نبع الحنان أشرب. دا نبعك كله حنيه

أضمك ليه يا أمى. أبوس إيدك وأعتابك

وقلبى للجلال يسجد. ويتعبد ف محرابك

وبنسى أسوة الدنيا. وأحزانى على بابك

ألف ألف وارجعلك. على عهدك ألا قيكى

بشوق وبلهفه منتظره. وفرح الدنيا فى عنيكى

ف أحضانك تضمينى. أحس أحس بالراحه

ألاقى نفسى فى واحه. وجنة حب طراحه

ومتعطر بأنفاسك. وريحة ورد فواحه

ماليش غيرك حبيب تانى.يا مالكانى وحسانى

جمالك حسن ربانى. ورحمه وطهر إنسانى

بقلمى.د.مختارأحمد هلال..جمهورية مصر العربيه

كانت الحلم الجميل ... بقلم الشاعر / فيصل زامل .

فيصل زامل ...
كانت الحلم الجميل.

وأللى فرقنا الرحيل..
كانت القلب الكبير
. وردتى هى العبير.
كان كلامها. كان حنانها.
لسه ماشى بعلامها.
هى أمى
كانت الحلم الكبير.
لسه فاكر من حكايتك كام حكايه
من البدايه. والنهايه. كان كلامك شيء جميل
واللى فرقنا الرحيل...
حبك انتى يتنسى دا مستحيل... أغلى نظره شافتها عينى. نظرتك. أغلى بسمه. فرحتنى ضحكتك.
كنتى يامه احلى لمه.. والفراق فرق ما بينا
. والله بأمه اشتقت ليكي.
نظره بس من عنيكى
تساوى كل شىء جميل..
كانت القلب الكبير.
هى أمى. فرح قلبى
روحى دمى.فرج همى
. كانت الحلم الجميل.

بقلم / فيصل زامل

امي يا نبض قلبي .. بقلم .. الشاعر / ابو الفيحاء المصري ( محمد السيد )

ابو الفيحاء المصرى خاص بالمسابقه
امى يا نبض قلبي وسبب وجودى
طاف ببالى ذكرك فاوقد نار شوقى اليك
يا سيدتى ومولاتى وكل حياتى
انتى يا من ارضعنى حنانك قبل لبنك وحبك قبل لمستك
انتى يا من تحملين ثلاث جنات وانتى مصدرهم
جنه فى احشائك عشت فيها جنين
وجنه قلبك عشت فيها سنين
وجنه الفردوس برضاك ادخلها بامر رب العالمين
لا اعلم كيف اكون مهموما وبهمساتك اصير مسرورا
هل انتى ساحره للقلوب ام فى نبره صوتك تنبت ابتسامات الصدور
يا امى انتى مصدر النور لى ولاخواتى ولابى فى كل حين
كيف كنت ساحبو دون لهفه قلبك على
كيف كنت انجح فى دراستى لولا سهرك فى الليلى لتشجيعى
لا اجد عباره تعبر عن حبى وشوقى اليك
يا مصدر حياتى بل انتى كل حياتى
انتى اول وانقى واطهر حب عرفه قلبي امى رحمك الله يارب
امى يانبض قلبي بقلم ابو الفيحاء المصرى (محمد السيد)

نفسى أجيلك . بقلم ... الشاعر /أحمد شاهين

الشاعر أحمد محمد شاهين خاص بالمسابقة ( أشعار بالعاميه المصريه )

نفسى أجيلك . بقلم أحمد شاهين

ياللى شايلين ع الكتاف
أغلى حاجه فى دُنيتى
أمى يا رمز العفاف
أيه تسوى بعدك دُنيتى؟
الدموع شلال فى عينى
والفراق ساق خطوتى
نزلوها للحدها وخلاص
قفلوا عليها
فضلت واقف بعدها
نفسى أشوفها
وابوس إيديها
هى دى نفس الإيدين
إللى ياما جريت عليها
والملامح الجميله
إللى كانت جامعه عيله
وإللى شايلانا فى عنيها
أمى
أمى مش قادر أروح
لسه واقف وف مكانى
كل شئ بعدك بيجرح
كل شئ بعدك أنانى
الإخوه والصداقه
والمشاعر والمعانى
كل شئ بعدك غريب
والبرئ راح يبقى
جانى
أمى يا بركة حياتى
بعدك البركه خلاص
عشت بعدك ذكرياتى
والأمل قاللى خلاص
يوم رحيلك
يوم رحيلك هو يوم
موتى بجد
نفسى أجيلك
نفسى نبقى ويا بعض
#نفسى أجيلك
كلمات \ أحمد شاهين

أمي ثم أمي ... بقلم الشاعر / نصر هاشم ..

نصر هاشم ..

امى ثم أمى

دمها بيجرى ف دمى
طبطبي طب ياله سمى
بس همى لما همى
تحس بيه ترجع تخلى
الضحكه تضوى
ف عز قومنا
ومن همومنا
نلبس الباقى
ف هدومنا
وانتى ياما
لحظة الخوف
اللى جانا
تضحك الارض وسمانا
طب يا امه سمى
ياله صلى
وادعيلى
ترجع الضحكه
ف ليلى
فاكره ياامه
انتى بتغنى وتطربينى
تطبطبي
على كتفى وانتى بتندهينى
فاكره ياامه
واحنا كنا عيال بنلعب
نرسم البيت
لما نطلع
جنبه نخلة
فاره نحله
فوق غطانا
ترسم الاحلام عشانا
تلم كل الخلق لينا
وهيه دائما بتنادينا
امى ثم أمى
نصر هاشم

قصيدة ... أمي ..بقلم الشاعر / السيد محمد أب طاحون ..

السيد محمد أبوطاحون امي *** بقلم : السيدابوطاحون
************* ***************
أمي ..

نور الزهور المستحمي

في جبل الضيا ..

جوه مقام الأوليا

وفي حضور الأنبيا

أمي ..

اللي قلقانة عليا

في سكاتي وفي الكلام

أمي ..

اللي ما تعرف تنام ..

غير لما انام

ولما تهرب ..

راحة البال من إيديا

تلقاها واقفه ..

زي عشق النيل

علي شطوط الخيال ..

تقول وتبني ف الجمال

وتحط طوبة جنب طوبة

جنب طوبة وكام سؤال

تحكي الحكاوي المفرحه

وتنادي .. أذن يا بلال

يهرب شيطان الهم من قلبي

وتدعيلي ..

ولما النوم يجافيني

تغنيلي ..

يقوم النوم يغازلني

يدلعني .. يهدّيني

يدفيني..

وأروح في النوم

_________

أقوم من النوم ..

علي صوتها البساتيني

عصفور صغير

علي الشباك يناديني

واقف يحفظني النشيد

" و ان مت يا أمي ماتبكيش ..

راح أموت علشان بلدي تعيش "

وأنا يومها ابن ..

وكان وحيد

شفت عيونها الطيبة

متخوفة ومستغربة

من يومها بحلم ان أنا

راح أموت شهيد
_______

أمي اللي دايما باسمة

ولابسه أحلي توب زفاف

و ف نن قلبي معلمه

ومُرتبة و منظمة

وقلب أطهر م العفاف

رغم العواصف

والليالي المؤلمة

الظالمة والمظلمه

تلقاها هادية وحازمة

راحة مريحة

جوه عينها تضمنا ...

من قبل ما أبلغ البلوغ

كات أمي راحت مننا ..

راحت في رحلة للسما

من يومها وجفاني المنام

زوريني يا أمه ف المنام

يمكن أنام
*********
#أمي
#السيدابوطاحون
#الإخنوم

قصيدة ... وهناً علي وهن .. بقلم الشاعر / أحمد محمد شلبي .

القصيدة التي فازت بالمركز الأول ( فصحي ـــ عامودي ) 
بقلم  الشاعر / أحمد محمد شلبي
القصيدة بعنوان .. ( ..وهناً على وهن..)
شعر عمودي

وهناً علي وهن ..

تُلام مَن تعشق الوهن فلن يبورَ
وتحملك وهنا على وهن شكورا
وتخاطبك وأنت بين الوهم نورا
والحِمل يثقلُ وليست لك نفورا
تبغى الأملَ وتسعد تأملاً وثبورا
فالمعشوق جنينا ليس به خبورا
أيوسف أنت أم كنت لها مغمورا؟
حبك وضع في صدرها محفورا
زانت بك ؛فظللت لؤلؤا منثورا
ترضعك تارة وتخبئك تارة زورا
يابن الكرام لاتقسُ، وكن صبورا
فكم من مرة أعطتك و لن يمورَ
حنانيك ؛فقد وضعت لك سورا
كان باطنه رحمةوظاهره شذورا
إن ودعتك بالدنيا انتظر شرورا
بالوالدين إحسانا وشرابا طهورا

بقلم / أحمد محمد شلبي ـــ مصر