................................اسمع ياصحبي............................
اسمع ياصحبي لما أقول لك
نبض القلوب مفروض يدلك
قلوبنا ماتت والنبض ساكت
وانا مش لاقيلك أعذار تحلك
فاكر ياصاحبي لما اتعهدنا
قي غدر الزمان ألقاك وظلك
ولما اعوذك تكون معايا
ياخسارة جاتلي الطعنة منك
خلاص نسيت قوام عهودك
ولا الندالة من صغر سنك
آه ياوطن في ضميري سكن
عاوزين عواذلي يخدوني منك
أروح لمين وأقول يامين
من اللي علوا قصور بظلمك
هتروحوا فين يوم القيامة
وانت ياظالم شوف مين يبرك
مكتوب علينا يتوه وادينا
نفسي القرار يجي مرة منك
لما عدانا يجي حدانا
ندعي نقول الله يشلك
قوام يغور بوحدة ندانا
انت انا وانا برده منك
النهارده شوف رحت فين
فيه ايه تاني خلاص فاضلك
أصل الكلام عليه ملام
وانا بلفه هكون شاغلك
أصل الحكاية نفس الرواية
قرعون وموسى خليك محلك
فاكر يوسف والمنام
قاله أبوه خليه في سرك
بعد كروبك أتى مكتوبك
ملكت لما طولت حلمك
خليك معايا اسمع هذايا
ياحديد ايمانا حديد يفلك
أوعاك تقول أنا وحدي زول
ياما في البطون جراب حاملك
مهما يطول الليل يزول
يافجر طلابك مشتاقينلك
يا ظالم مهما تبلغ مداك
موج المظالم دماء تبلك
شبح المظالم أطياف تزورك
حبل المشانق أطواق في حلمك
اصحى ياصحبي الوقت سانح
قبل الندامة وهتك سرك
نور الحقيقة طريقها واحد
اوعى الضلال ضحكه يغرك
الدنيا صحبي مش لينا غاية
مهما تطول فيه يوم ناظرلك
الحق ياصحبي ارجع وتوب
يمكن قتيلك تلقاه غافرلك
كل الحكاية جت النهاية
زي الحبيب ماكان راسملك
جت الرايات من كل غاية
والغوطة نادت شبكي غازلك
خليك فاكر بدجله ماكر
وبلحن قوله فخاخ عاملك
بالعالمية والعلمانية طالت ايديه
قال السلام وسلامه دمك
هرمجدون رايتها هلت
الصلح صار يقين في علمك
وبعد منها مسلم يغار
كبرى الملاحم أثلاج ترمك
ياقدس تعالى غايتي ومنايا
لبيت نداك أنا رهن كمك
شجر الغرقد غرسوه
وتعا يامسلم أحجار تقولك
مهدينا الامام أوانه آن
ياصحبي الحق خليه يئمك
وعلى أثره ابن مريم كمان
والمال يفيض ويملا حجرك
اسمع يا صحبي كلام أخير
فيه نهاية وقبور تضمك
وأقول لقلبي ياقلب توب
ابليس تأبلس بالسيف نازلك
يارب عبدك عبد فقير
خذ بايدي واكشف لي سرك
مع الحبيب والصحب الكرام
لنا التقاء يارب علينا حلمك
بقلمي | محمود عبد الخالق عطيه المحامي
